“Connect” met ander
Ons het wonderlike kleingroepe waar die fokus op “behoort” en dien “mekaar” is. Ons noem dit PLUGG groepe. Vir tieners het ons ook ‘n tienerbediening genaamd Muurprop. Indien jy dit wil ondersoek om deel te word van so ‘n groep, kontak gerus ons bedieningsleier. Natuurlik is dit ook baie lekker om deel te word van ‘n bediening in die gemeente, waar verhoudinge ook gevorm word. Sien hieronder vir nog betrokke-raak opsies.
Groei en raak betrokke: sien MAP
Doop
Indien jy jou wil laat doop, kontak ons gerus. Ons sal graag met jou ‘n doopgesprek wil hou waar ons die basiese Bybelse waarhede van die sakrament met jou bespreek en praktiese reëlings verduidelik. By TD Kerk glo ons in die doop van die gelowige na bekering tot Jesus. Jy hoef nie ‘n vennoot (lidmaat) van TD Kerk te wees om gedoop te word nie, maar wel ‘n wedergebore Christen. Kyk gerus wanneer ons volgende doopgeleentheid is (kalender).
Kinders inseën
Ons volg baie graag die voorbeeld van Jesus om kinders te seën (Markus 10:13-16). Enige kind, van enige afkoms en enige ouderdom is welkom om ingeseën te word by TD Kerk. Hulle (of die ouers) hoef glad nie vennote (lidmate) te wees nie. Kontak ons gerus om te hoor hoe dit werk en die praktiese reëlings daarvan. Kyk gerus wanneer is ons volgende inseëngeleentheid (kalender).
Praat met ‘n pastorale spanlid
Kontak ons bedieningsleier
